المينى بيتزا الشهيه

الميني بيتزا
ميني بتزا او البيتزا... عموما العجينه واحده ولكن التقطيع هو اللي بيختلف العجينه بطريقه سهله وبسيطه جدا هانجيب كيلو الدقيق ونحطه في بوله كبيره للعجن ونحط عليه 2 ملعقه كبار خميره فوريه و3 كبار سكر ورشه ملح وسر البيتزا الطريه 2 كوب زبادي و2ملعقه لبن بودره ونصف كوب زيت فقط لا غير ونعجن لغايه لما ندخل كل المكونات في بعض ونكمل عجن بالماء الدافئ لغايه لما العجينه تلم معانا ونغطيها ونسيبها تخمر ساعه ونجيب الصينيه وندهنها زيت علي خفيف جدا ونفرد فيها قطعه من العجين بس يكون سمكها معقول يعني مش رفيعه ولا سميكه ونحط عليها صلصه البيتزا عباره عن فص توم متحمر في زيت وننزل عليه بالصلصه من البرطمان وملح وفلفل وروزماري وزعتر كزبره ناشفه وتغلي غلوه ونطفي عل طول وندهن بيها العجينه ونحط الحشو حسب الرغبه بس طبعا كله مستوي انا هنا عملت لحمه مفرومه معصجه و سجق معمول بالبصل والطماطم كانوا تحفه ونحط زيتون شرائح وجبنه موتزاريلا وعلي الفرن علي طول عشر دقائق فقط وطلعيها ولو الوش كان لسه ابيض ولعي الشوايه دقيقتن فقط وكلي احلي واطعم واطري بيتزا وبالهنا