بفضل الله جبت سبانخ وخزنتها للصيف ودى طريقة التخزين للتحب تخزنها او اى خضار تانى هتجيبى السبانخ وتغسيليها كويس وتقطعيها وهتحطى مية فى حلة كبيرة على النار وعليها معلقة ملح ومعلقة بيكربونات الصودا وخليها تسخن قوى وانزلى بالسبانخ على المية وقلبى وماتخليهاش تغلى وهى فيها السبانخ واطفى النار وارفعيها من المية السخنة وعلى المية الساقعة على طول واشطفيها كويس وحطيها فى المصفة وبعدين عبيها فى اكياس حسب الكميات الى تناسبك وعلى الفريزر احب اوضح لحضارتكم ليه بنحط ملح وبيكربوناتو فى مية خضار التخزين ﻻنهم بيحافظو على لون الخضار بيكون حلو جدا ممكن تضيفيهم على كل انواع الخضار الى بيتخزن ويارب اكون قدرت اوصل المعلومة وتقعدو بالعافية اختكم (امولة )
