شاورما الفراخ
صديقتنا رانيا سالت علي شاورما الفراخ والنهارده ها نعملها مع بعض بكل سهوله وبساطه
المقادير 3 صدور فراخ وممكن نعملها بفرخه كامله مخليه ومن غير جلد ومعانا توم وكوبايه زبادي وعصير ليمونه وملعقه كبيره خل وبهارات وملح و فلفل اسود ورشه زنجبيل وممكن نحط ملعقه مسترده للناس اللي بتحب طعمها في الاكل ونتبل الدجاج بكل ده مع بعض وياريت نسيبها في التتبيله من 3 الي 4ساعات ومعانا فلفل الوان وبصل شرائح وطماطم ومشروم حسب الرغبه ا ولا نحط ملعقتين زيت في الطاسه وننزل عليهم بالفراخ والتتبيله زي ما هي ونقلب لغايه لما تنزل مايتها كلها وتشربها تاني وكانها خلاص هاتتلسع يعني تاخد لون وبعدكده ننزل عليها بالبصل والفلفل الالوان والطماطم والمشروم وتقليبه سريعه ونظبط الملح ونكون مولعين فحمه ونحطها في ورقه فويل ونحطها في وسط الشاورما ونطشها بزيت ساخن ونقفل عليها شويه علشان تاخد ريحه الفحم وممكن نقدمها في سندويتشات وممكن نعمل فته شاورما بالتوميه وممكن نسلق مكرونه ونحط خلطه الشاورما عليها وممكن نعمل بيها مكرونه باشاميل بدل اللحمه المفرومه بتبقي تحفه يعني التقديم حسب الرغبه وبالف هنا لكل حبابيبي
