حمص الشام ( الحلبسه )
المكونات
ربع كيلو حمص شام
جزره كبيره او 2 وسط
5 فصوص توم
نصف ثمرة طماطم وسط
ربع ملعقه صغيرة بابريكا
ربع ملعقه صغيره ممسوحه كركم
ربع ملعقه صغيره سماق مطحون
عصير نصف ليمونه كبيره
ملعقه صغيره كمون ورشة فلفل
شطه حسب الرغبه
الطريقه
انقعي الحمص لا يقل عن 8 ساعات حتى يحيا جنين الحبه
جنين الحبه في اي بقوليات مهم جدا لان بها كل فوائد الحبه
في اناء مناسب للكميه ضعي الحمص واغمريه مع اربع اضعافه ماء
ضيفي الجزر والتوم والطماطم
بعد خمس دقايق وقبل الغليان ارفعي من الاناء
نصف كمية الجزر والتوم والطماطم واضربيهم
بالخلاط مع قليل من الميه وضيفيهم على الحمص
عوزاه واضح في الحلبسه لاني لو ضربته بعد كده هيتحول لعصير
وبعد 3/4 سوى الحمص ضيفي عصير الليمون
وارفعي باقي الجزر والتوم والطماطم من الاناء
ومعاهم قليل جدا من الحمص واضربيهم بالخلاط
مع قليل من الميه
علشان فتافيت الحمص هتخليه زي بتاع بره بالظبط
ويكون تقيل ومش خفيف
وضيفي البابريكا والكركم والسماق والملح
وشوفي اللون لو زي بتاع بره يبقى تمام لو لسه فاتح
ضيفي قليل من البابريكا
وآخر حاجه ضيفي الكمون
واوعي تضيفي مكعبات مرقه زي بتاع بره لانها خطر
هو كده طعمه رائع
اتركيه يغلي لغاية ما ياخد لون السائل وينضج تماما
قدميه سخن ومعاه ليمون وشطه
ولو عملتى الحمص قبل الاكل بيوم طعمه ولونه
وقوامه بيكون افضل
وبالف صحه وعافيه
ملحوظه
باضرب نصف كمية الجزر ونصف كمية الطماطم
ونصف كمية الثوم بعد ما باسخن السائل وفي
بداية الغليان علشان احتفظ ببعض الفتافيت
ظاهره في الكوب
وباضرب باقي الكميه مع ملعقه كبيره حمص
بعد ما يستوي ٤\٣ سوى
علشان الطماطم والجزر والتوم يتهروا تماما
ويضيفوا لون
واما باضرب معاهم حمص بيتقل السائل قليلا
