دي دبابيس فراخ كريسبي
وطريقتها بالتفصيل أهيه:
"الطريقه:
فرخة متقطعه 8قطع مغسولة و تتنقع في ماء وخل و دقيق و بعد كده تتغسل تاني ونصفيها.
وفي اجيب حله و اسخنها كويس جدا علي النار و احط شويه زيت و انزل بتوابل ( فلفل اسود و حبهان مطحون و ثوم بودر و بصل بودر وبابريكا و ملح و جنزبيل بودر)معلقه صغيره من كل حاجه.. واشوحهم دقيقه كده و انزل بعد كده بالفراخ اديها صدمه علي نار عاليه ومقلبش فيها الا لما تلاقيها اتحمرت من تحت عشان متتهريش و بعد كده اقلبها علي الوش التاني و افضل اقلب فيها لغايه لما احس انها كلها بقت لون واحد بعد كده تكوني عندك ماء مغلي و تحطيه علي الفراخ يدوب بس تغطيها بالماء و غطيها بغطاء الحله و سبيها علي نار عاليه..مش هتأخد وقت في التسويه لانها قطع صغيره تقريباً نص ساعه بعد كده هانلاقيها شربت الماء اللي كنت حطاه بعد كده طلعيها و سبيها تبرد و بعد كده شيلي من عليها الجلد بعد كده هنجيب دقيق و نتبله بفلفل اسود و بابريكا واي توابل تانيه تحلوها وفي طبق تاني نخفق فيه بيضتين و نص كبايه لبن و طبق تالت تحطي فيه دقيق ذره +خلطه الفراخ المقلية (جاهزه موجوده العطار)
نجيب الفراخ و تنزليها في الدقيق بعد كده البيض و اللبن بعد كده في الخلطه اللي هي دقيق ذره و خلطة الفراخ ونحط الفراخ في زيت سخن غزير ونصفيها على ورق مطبخ"
