دوبل شوكلت مافن
المقادير :-
كوب و٣/٢ كوب دقيق
٣/١ كوب كاكاو خام
١٢٠ جرام( ٤/٣ كوب )شيكولاته خام مقطعه مكعبات صغيره
٣ بيضات
٣/٢ كوب سكر
كوب كريمه لباني
فانيليا
رشه ملح
٢ معلقه صغيره بيكنج بودر
معلقه خل
الطريقه :-
الكريمه اللباني نخفقها بمضرب البيض لحد ما تتقل وتصبح زي الكريم شانتيه
نضيف عليها الكاكاو الخام ونقلبهم
البيض والفانيليا والخل ورشه الملح والسكر نضربهم مع بعض بمضرب البيض حتي يفتح لون الخليط وبعد كده نضع عليهم خليط الكريمه المخفوقه والكاكاو ونقلبهم بمضرب البيض
نضيف الدقيق والبيكنج بودر ونقلبهم
نضيف قطع الشيكولاته الخام ونقلب ونضعهم في قوالب الكب كيك
وممكن علي الوش نضع شوكلت شيبس
ندخلها الفرن علي ١٨٠ درجه لمده ٢٠ دقيقه
