شاينييز الدجاج بالكاجوو والرز الابيض
طريقة الشاينيز :
اوﻻ بنغسل صدر الجاج منيح بالماءوالملح بعدين بنقطعو قطع متوسطة او حسب الرغبة
بنتبلو بالتالي :
3 معالق خل الصويا
2 معلقة خل البلسمك
ملح وفلفل اسود
2 معلقة زيت زيتون
عصير ليمون
بنخلط المكونات مع بعض وبنتبل الجاج فيه لمدة ساعة على اﻻقل ....
بعدين بنحط الجاج بمقﻻية فيها زبدة وزيت وبنحركولحتى يستوي تماما ويشقر لونو ...وبنقيمو على جنب .
صوص الجاج بتكون من :
1.5 معلقة نشا كبيرة معلقة طعام
4 معالق خل الصويا
2 معلقة خل البلسمك
2 معلقة كاتشب
ملح وفلفل اسود ورشة سكر وزنجبيل بودرة
ماء شي كاسة مي
شطة على حسب الرغبة بالحدية معلقة صغيرةممكن ...
بنحرك المكونات هاي مع بعض ليختلطو منيح ...
بنكون جهزنا الفليفلة الملونة الخضرا والحمرا وقطعناهم شرائح رقيقة وطويلة وبصل كمان شرائح رقيقة وقليناهن بالزيت ليستوو منيح بعدين بنضيف عليهن الجاج المقطع والمستوي وبنحركهن سوى
بعدها بنضيف صوص الجاج وبنحرك ليصير عنا خليط زات قوام كثيف شوي وبنتركو على النار شغلة 10 دقايق ...
بهالوقت بنكون قلينا كاجو بزيت السمسم اواي زيت قلي وبنضيف نص الكاجو مع خلطة الجاج والنص التاني بتقدم على الوش عند التقديم وصحة وهنا
