الاسباجيتى المخبوزه فى الفرن
باكو اسباجيتى مسلوق
ملعقتين زيت زيتون
1/3 كوب جبن رومى مبشور
3/4 كوب جبن قريش مفتفت جامد
نص كوب موتزاريلا
بيضتين مخفوقتين
1/3 كيلو لحم مفروم
نص كوب بصل مفروم
نص كوب فلفل رومى مفروم
كوب طماطم مفرومه ناعم
ملقه كبيره صلصه
ملعقه صغيره سكر
ملعقه صغيره اوريجانو
نص ملعقه بودره ثوم
رشه ملح
بهارات مشكله
الطريقه
تخلط المكرونه مع الزيت والبيض المخفوق والجبن الرومى وترص فى طبق فرن مدهون
شوحى البصل والفلفل الرومى كويس ثم اضيفي اللحم المفروم وقلبيه حتى يشرب ماؤه ثم اضيفي الطماطم والصلصه والملح والفلفل والاوريجانو والسكر والبهارات
وبودره الثوم واتركيهم حتى تعقد
فتقتي الجبنه القريش فوق المكرونه ثم صبي عليها اللحمه بالصلصه ودخليها الفرن 20 دقيقه مكشوفه فى فرن 350
طلعيها ورشي عليها الموتزاريلا ودخليها الفرن 5 دقائق تانى
