قالب الكريب بحشوة الدجاج والباشميل
مقادير الكريب
كوب طحين
3 كوب ماء
رشة ملح وفلفل اسود
1 بيضة
1 معلقة بيكنغ باودر
نصف معلقة خميرة فورية
1 معلقة زيت زيتون
5 معالق حليب بودرة
بنخلط المكونات الجافة مع بعض بعدين بنضيف كل السوائل وبالخلاط بنخفقهم وبنتركهم ربع ساعة بالبراد ولو مستعجلين فيكم تشتغلو بالكريب فورا ..
بنجيب مقلاية تيفال بندهنها بمعلقة زيت قلي وبنحط نص كاسة تقريبا من خليط الكريب وبناركو دقيقتين على النار ليتحمر شوي وبنرجع نقلبو على الطرف التاني ليتحمر شي دقيقتين وبنقيمو وبنحطو على جنب .
وهيك بنكمل باقي الكريب .
الباشميل
بطنجرة بنحط 5 معالق طحين وبنخليهم على نلر هادية ليصير لون الباشميل دهبي وبنحط معلقتين سمنه او زيده وبنحرك بالمضرب اليدوي وبنتركو دقيقتين بعدين بنحط 3 كاسات خليب سائل وبنحرك ليروح الكتل وبنحط ملح وفلفل اسود وممكن اضيفو جبنه موزريلا فوق الباشميل وبنستمر نحركو لحتى يكثف قوامو
وهيك بصير عنا باشميل متماسك وجامد نوعا ما
الحشوة
بمقلاية كبيرة بنضيف معلقتين زبدة وشوية زيت ذرة و بصله كبيرة مفروم ناعم و2 سن توم مهروس
وزنجبيل مبشور شي معلقتين كبار وبنخرك لحتى يدبلو ..
بنضيف فلفل احمر مكعبات وبنحرك
وبنضيف شرائح الجاج وبنستمر بالتحريك
بنحط بهارات هندية بهارات مسالا الحراقة
وبابريكا ومكعب ماجي وبنحرك لحتى تستوي الحشوة
ببايركس بندهنو سمنه وبنضيف اول طبقة رغيف من الكريب وبنحط معلقتين باشمل بعدين حشوة جاج
بنرجع بنحط طبقة كريب بعدين باشمل بعدين الجاج وهيك ليتشكل عنا تقريبا من 3 الى 4 طبقات
واهر طبقة بتكون الكريب وندهن وشها بشوية صغيرة باشميل وبندخلها الفرن من تحت لمدة 10 دقايق ومن فوق شي 5 دقايق وبنقدمها وصحة وهنا
