السينابون رولز
"الطريقة: نص كوب لبن -ربع كوب زبدة سايحة -رشة ملح -نحط كيس خميرة فورية وتسبيهم ربع ساعة تتخمر ... بعدها تحطى بيضة وفانليا وتقلبى كويس..
نحط 2 كوب دقيق بالتدريج ...لحد ما تبقى عجينة بتلزق فى الايد.. نحط على الرخامة دقيق ونعجن العجينة بايدك لغاية ما تمسك نفسها ومتبقاش بتلزق فى الايد.. نسيبها تتخمر تانى ساعة.. وبعدها جيبى ورق زبدة وعلية دقيق وافردية بالنشابة مستطيل كبير ...وعلية تحطى ربع كوب زبدة بدرجة حرارة الغرفة....ونفرد الحشو عبارة عن كوب سكر بنى او سكر عادى ومعلقتين عسل اسود + معلقتين كبار قرفة ناعمة ومعلقتين كاكاو ونحطهم فوق الزبدة...ونلف العجينة مستطيل حيطلع مستطيل طويل نقطعهم قطع حسب الرغبة ونحطهم فى صينية كبيرة ونبعدهم عن بعض عشان هانسبهم يتخمروا ساعة كمان... وندخلهم الفرن على اعلى درجة حرارة 10 دقايق ونطلع الصينية نحط عليها كوب كريمة لبانى وندخلها تانى الفرن 10 دقايق كمان لحد ماتستوي.
مكونات الصوص: 8 واحدات جبنة مكعبات وربع كوب زبدة وكوب سكر بودرة وربع كوب لبن ونقلب لحد ما تبقى تقيلة زى البشاميل ونسقى بقى السينابون مع مكسرات او صوص شوكلاتة ونسبيها تهدى ونقطعها"
