الفطير المشلتت
كيلو دقيق
500 مل ماء يزيد او يقل حسب نوع الدقيق
معلقتين سكر
رشه ملح
ربع كيلو زبدة متماسكة لينة او اقل حسب ما تحبيه دسم اكتر او اقل
الطريقة
تعجني كل المكونات مع بعضها ما عدا الزبدة طبعا ولما العجينة تلم معاكي وتكون طرية ومش بتلزق تعجنيها ودي نقطة مهمة لما تديها حقها في العجن تطلعلك احلي فطير فتعجنيها مش اقل من 15 دقيقة وبعدين تكوروها وندهنها زيت وتترك نصف ساعه
ندهن الرخامه زيت
وبعدين وناخد وحده ونفردها وندهن
ومن فوقها كمان وده لتسهيل فردها وطبعا تفردوها مستطيل كبير علي اد ما تقدروا بعدين تفردوا الزبدة ع المستطيل كله وتلفوها رول زي السويسرول وطبعا كل ما عدد اللفات يكتر هتلاقوها مورقة اكتر فلفوها طبقات كتير وبعدين قطعوها اسطوانات علي حسب العدد والحجم اللي انتم عايزينه كل ما تبقي القطعة اصغر هتكون الفطيرة صغيرة
وتلفوها وسبها ساعه
تطلوعها تفردوها وتطبق علي شكل ظرف وبعدين تكوروها تاني وتريحوها نص ساعة كمان وبعدين تجيبوا الصواني تندهن زيت وتضغطوا علي الكور وتفردوها وطول ماهي مرتاحة هتكون سهلة وتدهنوا وشها قشطة مع زبدة وتدخلوها فرن حامي علي اشد درجة من تحت ولما القاع يتحمر تشغلوا الشواية وتطفوا الفرن ومش بتاخد وقت ووتحمر وغطوها وتسيبوها تهدي وكلوا احلي فطير
والف هنا صحه
