باستا فلورا
المقادير :
3 كوب ونصف دقيق
3 بيضه
1 معلقه فانيليا
كوب الا ربع زبده
كوب ونصف سكر بودره
1 ملعقة كبيرة بيكنج بودر
اى نوع مربى بتحبيه فراوله او مشمش او تين
الطريقه :
بحط الزبده مع السكر البودره وبعجنهم بايدى كويس اوى وبعد كده بنزل بالبيض بيضه بيضه لحد ميخلصوا 3 بيضات هحط الفانيلييا كل ده وانا بضرب بايدى بردوه بعد كده هحط البيكنج بودر مع الدقيق وانزل بيهم تدريجى على الخليط ده وبردوه وانا بقلب كويس بايدى لحد ماتعمل معايا عجينه متماسكه بعد كده هاخد ربع العجينه وهركنه على جنب والباقى هفرده فى صينيه مدهونه سمنه او زبده ويكون سمكها حوالى 1 سم وبعد كده هفرد المربى علي العجينه وبعدين ربع العجينه اللى فاضل عندى هعمل منه سمبوكسات زى منتوا شايفينها على وش الصينيه يعنى هعمل ضفاير من العجينه وهرصها على المربى بالطول والعرض عشان تعمل معايا الشكل الجميل ده بعد كده هظبط الفرن على درجه حراره 170 درجه لمده 25 دقيقه هتطلع معاكى بالمنظر الجميل ده.
وبالهناااااا والشفاااا
