بروستيد الدجاج
المقادير
فرخه كامله اونص حسب الرغبه
نص كوب كون فيلكس مطحون (بودر)
بيضه
نص كوب دقيق
ملح فلفل اسود كمون كارى خل ليمون توم يابودر يا تجيبى توم وتبشريه فى المبشره
الطريقه
اول حاجه هتشيلى جلد الفرخه خالص تانى حاجه هتقسمى الفرخه 6 او8 قطع الصدر نصين والاجنحه لازم تتشال لوحدها من الصدر والورك ممكن يبقى زى ما هو او يتقسم على 2 حسب ما تحبو
بعدين تجينى الملح والفلفل والخل واليمون والكمون والكارى والتوم وتتبلى بيهم الفراخ وتسبيها فى التتبيله من نص ساعه لساعه
بعدين تجيبى البيضه تربيها كويس جدا وتوزعيها كلها على الفرخه كويس قوى
بعدين تجيبى كيس نضيف وناشف جدا وتحطى فيه الدقيق والكورن فيلكس وترجيهم كويس مع بعض وبعدين تحيطى عليهم الفراخ جوا الكيس وترجيهم فى الكيس كويس
وبعدين تطلعى الفراخ هتبقى عليها الكون فيلكس ممكن يكونبيفك شويه من على الفراخ اكبسيه بايدك كويس ورصى الفراخ فى صينيه وسبيه لحد وقت القلى فى التلاجه اقل حاجه ساعه
وبعدين للقلى هاتى طاسه غويطه (مقلايه) وحطى فيها كميه زيت كتيير وسيبى الزيت يغلى وبعدين ابداى حطى الفراخ وسيبى الفراخ لحد ما يبقى لونها ذهبى غامق عشان تبقى استوت من الداخل
وبالف هنا
