وصفه ارز الكركم بالفراخ
المقادير
لتحضير الفراخ
فرخه صحيحه
نص ملعقة صغيرة فلفل أسود
نص ملعقة صغيرة كركم
نص ملعقة صغيرةحبهان
نص ملعقة صغيرة قرفة
نص ملعقة صغيرة كمون
ملعقتين كبيرةصلصه
2 ملعقة كبيرة عصير ليمون
ملعقة كبيرة زيت ذرة
ملعقة صغيرة ملح
لتحضير البصل
نص كوب زيت ذرة
بصله كبيره متقطعه صغير جدااااااا
كوب زبيب
لتحضير الرز
3 كوب رز بسمتي
ملعقتين كبيرة زيت ذرة
10 حبة قرنفل صحيح
10 حبة هيل صحيح
عود قرفة
ورقتين لورا
ملعقة صغيرة كمون حب
ملعقة صغيرة كزبرة حب
ملح للتتبيل
الطريقه
سخني الفرن إلى درجة حرارة ١٨٠م.
هاتى صينية فرن وحطى فيها الفرخه بعد ما تكونى تبلتيها بالقرفه والقرنقل والكركم والملح والفلفل والكمون والحبهان وعصير الليمون
والتتبيل يكون عن طريق دعك الفرخه البهارات دى من جوه وبره ومن بين الجلد كمان عشان تتشرب الطعم وادهنى الصلصله على الفرخه من بره سيبى الفرخه فى الفرن لحد ما تستوى تقريبا ساعه وشغلى الشوايه شويه عشان تاخد اللون الاحمر الغامق من صلصله الطماطم اللى متدهونه على وش الفرخه
لتحضير البصل حطى فى طاسه واسعة الزيت والبصل حطى الطاسه على نار متوسطة وقلبى لحد البصل ما يصفر بعدين حطى الزبيب وقلبى مره وحده وطفى النار
لتحضير الرز إغسلي الرزعدة مرات وبعدين انقعيه لنص ساعه وبعدين تكونى جايه الحله اللى هتطبخى فيها وحطى بقى القرفه والقرنفل وورق اللورا والحبهان والكمون والكزبره الحصى مع الزيت على النار لحد بس ما تشمى الريحه بتاعت البهارات وبعدين حطى الرز بعد ما تكونى صفتيه عشان يتشرب رائحه البهارات بعدين حطى الميه لتسويه الرز تقريبا 4.5 وعليه ملعقه كركم كبيره سيبى الرز لحد ما يغلى وهدى النار عشان يستوى وحطى بقى البصل والزبيب وقلبيهم كويس فى الرز ولما يستوى الف صحه وهنا
