مربى البلح او التمر.
التمر مفيد جداً للجهاز الهضمي..مليان ألياف ومطهر للأمعاء.. ومضاد للميكروبات.
ومربى التمر تعتبر من مصادر الطاقة بذات في الشتا للأطفال.. طريقتها سهلة جداً.
هانجيب كمية من التمر نشيل البذر ونحشيه لوز او عين جمل او فول سوداني لو عايزين..
نحطه عالنار مع كمية من الميه والسكر يادوبك تغطّي التمر (كباية سكر لكل كباية ميّه)
ومعاه عودين قرفة وقرنفل وعصير نص لمونة وممكن نحط بشر برتقان او كرز مجفف لو عايزين..
ونسيبها على نار هادية تغلي لحد ماقوامها يبقى سميك زي العسل تقريباً..
ولما تخلص وتهدى شوية نحطها في برطمانات معقمة.
مربى البلح ممكن نستعملها في تارت البلح او مع الأيس كريم او التشيز كيك مثلاً..
او حشو لفطاير الباف بيستري.. او مع توست محمص مع الشاي الصبح ليه لأ؟!
