لحمه على البخار
المقادير
نص كيلو لحم مكعبات
٢ثمره طماطم وسط متقطعه مكعبات صغيره
فلفله خضره كبيره متقطعه مكعبات صغيره
جزرايه كبيره مبشوره
بصله كبيره مفرومه صغير
ورق لورا حبهان مستكه عود قرفه كبير حبتين قرنفل ورشه كركم ورشه زنجبيل وكزبره حصى وملح وفلفل
الطريقه حطى كل المكونات مع بعض من غير اللحمه فى حله البخار هنقول ياخساره معندناش هقولك هاتى اى حله عندك وعلى البوتاجاز وزى ما بترددى الرز على اهدى حاجه حطى الحله بكل مقاديرها وتغطى الحله ولما تبدا الروايح تبان تكونى انتى بقى غسله اللحمه بتاعتك كويس بملح بقى بدقيق بلمون زى ما بغسليها اغسليها ولما روايح التوابل تظهر وتحطى اللحمه وتقلبى مرتين تلاته وتغطى الحله تانى وسبيها بقى على النار الهاديه جدا هتستوى من عرقها اللى هوا بخارها وبالف هنا
