دي كوكيز
هانحتاج... كبايتين ونص دقيق.. نص كباية او أكتر زبدة طرية.. نص كباية او اكتر سكر.. بيضة.. فانيليا.. رشة ملح.. ممكن نزود او طعم نقطتين مركز شربات فراولة او مانجه او نعناع لوعايزين.. وهانستعمل اي بونبون ملون عندنا.
اول حاجة نسخن الفرن على حرارة 180.
نضرب الزبدة والسكر جامد بعدها نزود البيضة والفانيليا وبقية المكونات ونعجنها لحد ماتبقى عجينة متماسكة.. نلفها بالبلاستيك ونحطها في التلاجة نص ساعة..
بعدين نفردها بالنشابة ونقطعها بالقطاعات شكل دواير او قلوب مفرغة من النص.. نحطهم في صينية على ورق زبدة وجواها واحدة بونبون وندخلها الفرن من 10-15 دقيقة لحد مالبونبون يسيح ويكون البسكوت استوى.
نطلعها تبرد وبعدين نشيلها من الصينية!
