الجبنة الرومي
وفيه طريقة بسيطة وسريعة.. عبارة عن..
هانجيب كيلو لبن حليب.. علبة زبادي بلدي.. نص كباية ميّه متلجة.. معلقة صغيرة ملح.. فلفل اسود حب لو عايزين.. واحدة بطاطس مسلوقة ومهروسة.. معلقتين قشطة.
هانغلي الحليب عالنار وبعد مايغلي نحط الزبادي ونقلب كويس لحد ماتدوب.. نشيلها من عالنار.. ندوب الملح والفلفل في المية الباردة ونزودها عالحليب.. وبعدين نحط البطاطس والقشطة ونقلب كويس.
نحط الخلطة دي في شاشة نضيفة ونربطها ونسيبها تصفي المية 12 ساعة وبعدين نغير الشاشة ونسيبها تاني وهكذا لحد مانلاقيها جمدت وبقت متماسكة.
طبعا ممكن ماتبقاش زي الجاهزة بالضبط لكن تعالو نجرب ونشوف. اللي عملها قبل كده يقولنا عملها ازاي!
